ESTATUTOS
Capítulu I
Nome, fines y allugamientu
Artículu 1
El “Movimientu 25 de Mayu” constitúise como una asociación que rixe les sos actividades acordies colo qu’establez la Llei Orgánica 1/2002, de 22 de marzu, reguladora del derechu d’asociación, y los sos estatutos.
Artículu 2
Los fines de l’asociación “Movimientu 25 de mayu” son la defensa d’Asturies, y n’especial:
- La reconocencia d’Asturies como nacionalidá histórica dientro’l marcu xurídicu qu’establez la Constitución Española.
- La defensa de la so identidá llingüística, cultural y el so patrimoniu material ya inmaterial.
- Trabayar pola recuperación económica y de les oportunidaes pa la xente que quiera vivir y trabayar n’Asturies.
P’algamar les sos finalidaes, l’asociación fadrá les actividades de baldre.
Artículu 3
L’allugamientu de l’asociación “Movimientu 25 de Mayu” establezse na cai San Francisco 2, baxu, 33003 Uviéu.
L’actividá d’esta asociación desendolcaráse dientro d’Asturies, de los sos territorios históricos y de la emigración asturiana.
Capítulu II
Integrantes de l’asociación, derechos y obligaciones
Artículu 4
Puen ser socies del Movimientu 25 de Mayu toles persones mayores d’edá que de xeitu llibre y voluntariu, tengan interés nos sos fines.
Pa apuntase na asociación hai que presentar una solicitú escrita a la Xunta Executiva o pola páxina web, la cuala tomará una decisión sobre la petición nel primer conceyu darréu, y comunicara-yla a la persona solicitante y al siguiente Conceyu Xeneral.
Artículu 5
Son drechos de cada integrante de l’asociación:
- Asistir con voz y votu a les reuniones del Conceyu Xeneral.
- Escoyer o que t’escueyan pa los cargos de representación o pa exercer cargos direutivos.
- Intervenir nel gobiernu, xestiones, servicios y actividades de l’asociación, d’alcuerdu con les normes llegales y estatutaries, asina como solicitar y que te dean explicaciones sobre l’alministración y la xestión de la Xunta Executiva.
- Cualquier otru derechu recoyíu na Llei 1/2002 d’asociaciones.
Artículu 6
Son deberes de cada integrante de l’asociación:
- Comprometese coles finalidaes de l’asociación y enfotase p’algamales.
- Contribuyir al sostén de l’alministración col pagu de cuotes, derrames y otres aportaciones económiques fixaes polos estatutos y aprobaes d’alcuerdu con estos.
- Cumplir col restu de les obligaciones que resulten de les disposiciones
- Acatar y cumplir los acuerdos aprobaos polos muérganos de gobiernu de l’ asociación.
- Someter a mediación les griesques que surdan por causa’l funcionamientu de l’asociación.
Artículu 7
Son causes de baxa de l’asociación:
- Que lo pida la persona interesada, comunicándolo per escrito a la Xunta Executiva.
- Nun pagar les cuotes correspondientes a un añu.
- Nun cumplir les obligaciones
Artículu 8
Amás de los socios y socies, el Movimientu 25 de Mayu podrá tener tamién simpatizantes, que sin los derechos nin les obligaciones de los socios, podrán tener información y participar nes actividades de l’asociación asina como nel Conceyu Xeneral con voz pero sin votu.
El Movimientu 25 de Mayu podrá tamién a propuesta de la Xunta Executiva nomar Collaciu/a d’Honor a les persones que destaquen pol trabayu y la defensa de los oxetivos del movimientu.
Capítulu III
El Conceyu Xeneral
Artículu 9
- El Conceyu Xeneral ye’l muérganu cimeru y soberanu de l’asociación; Toles persones socies formen parte d’elli por drechu propiu.
- Los miembros de l’asociación, aconceyaos nel Conceyu Xeneral llegalmente constituyíu, deciden por mayoría los asuntos que son competencia’l Conceyu.
- Toles socies y socios queden obligaos a los acuerdos del Conceyu Xeneral, incluyendo ausentes, discrepantes y presentes que nun votaren
Artículu 10
El Conceyu Xeneral tien les facultaes que vienen darréu:
- Aprobar la xestión de la Xunta Executiva, el plan añal, el presupuestu y les cuentes añales.
- Escoyer y cesar a les persones integrantes la Xunta Executiva y controlar la so actividá.
- Cambiar los
- Acordar el xeitu y l’importe de les contribuciones a la financiación de la asociación o al pagu de los sos gastos, incluyendo les aportaciones al patrimoniu de l’asociación.
- Acordar la tresformación, fusión, escisión o disolución de l’asociación.
- Acordar l’ingresu y la baxa en federaciones o
- Solicitar la declaración d’utilidá público.
- Aprobar el reglamentu de réxime internu y los sos
- Conocer les solicitúes presentaes pa ser sociu o socia y tamién les altes y les baxes por una razón diferente del cese
- Ratificar la baxa disciplinaria y les otres sanciones impuestes pola Xunta Executiva por faltes per
- Resolver sobre les cuestiones que nun tean expresamente atribuyíes a dengún otru muérganu de l’asociación.
Artículu 11
- El Conceyu Xeneral axuntase en sesión ordinaria como mínimu una vegada al añu, dientru los seis meses que vienen darréu de la data de pieslle del exerciciu económicu.
- La Xunta Executiva pue convocar el Conceyu Xeneral con carauter estraordinariu siempre que-y paeza conveniente, y tién que facelo cuando-y lo pida un 25 % de les persones asociaes. Nesti casu, el Conceyu Xeneral tien que axuntase dientro del plazu de treinta díes a cuntar dende la solicitú.
Artículu 12
- El Conceyu ye convocáu pola Xunta Executiva mediante una convocatoria que incluya, l’orde del día, el llugar, la data y la hora de la reunión.
- La convocatoria tién que comunicase quince díes enantes de la reunión y fadrase na web de la asociación y por corréu electronicu u otros medios telemáticos de comunicación que consten identificaos na llista d’integrantes del Movimientu 25 de mayu.
- Los Conceyos puen facese per medio de videoconferencia o d’otros medios de comunicación, siempre y cuando quede garantizada la identificación de los asistentes, la continuidá de la comunicación, la posibilidá d’intervenir y la emisión del votu. Nesti casu, entiéndese que la reunión cellébrase onde tea la persona que la preside.
- Les reuniones del Conceyu Xeneral, presídeles quien presida l’asociación. Nel so defeutu, tiénenlu que sustituyir, sucesivamente, quienes seyan vicepresidentes o la persona más vieya de la Xunta Executiva. Tien qu’actuar como secretariu/a quien ocupe’l mesmu cargu na Xunta Executiva.
- La secretaría redauta l’acta de cada reunión, que tiene que roblar xunto col presidente/a, na que tiene que figurar un resume de les discusiones, el testu de los acuerdos tomaos, el resultáu de les votaciones y la llista de les persones asistentes.
Al entamu de cada reunión del Conceyu Xeneral lleese l’acta de la sesión anterior a fin de que s’apruebe o s’enmiende. Cinco díes enantes, l’acta y cualesquier otra documentación debe de tar a disposición de los socios na web de l’asociación.
Artículu 13
- El Conceyu Xeneral constitúise válidamente seya cual seya’l númberu de los socios presentes o representaos.
- El 25 % de los integrantes puen solicitar la inclusión nel orde del día d’un o más asuntos a tratar. En casu de que yá se convocara’l Conceyu, puen facelo dientro del primer terciu del periodu comprendíu ente la receición de la convocatoria y la fecha de la reunión. El Conceyu únicamente puede tomar acuerdos con respeutu a los puntos incluyíos nel orde del día, salvo que se constituyeran con caráuter universal o que los acuerdos refiéranse a la convocatoria d’un nuevo Conceyu Xeneral.
Artículu 14
- Nes reuniones del Conceyu Xeneral, correspuende un votu a cada integrante de l’asociación.
- Los alcuerdos tómense per mayoría simple de votos de les persones asociaes presentes o representaes.
- Pueden tomase acuerdos ensin reunión de xeitu esceicional – a instancia de la presidencia, de dos tercios de la Xunta Executiva o d’un 25 % de les persones asociaes -mediante la emisión del votu por comunicación telemática o cualesquier otru mediu, siempre que queden garantizaos los derechos d’información y de votu, que quede constancia de la receición del votu y que se garantice la so autenticidá. Entiéndese que l’acuerdu tomase nel llar de l’asociación y na fecha de receición del caberu de los votos válidamente emitíos.
- Pa decidir sobre la modificación de los estatutos, el desaniciu de l’asociación, la constitución d’una federación con asociaciones similares o la integración nuna yá existente, y la disposición de bienes, fai falta una mayoría cualificada de 3/5 de les persones socies presentes o representaes (los votos afirmativos superen la metada de los emitíos). En cualesquier casu, la eleición de la Xunta Direutiva, si se presenten varies candidatures, faise per alcuerdu de la mayoría simple o relativa de les persones socies presentes o representaes.
- Les candidatures que se presenten formalmente tienen drechu a una copia de la llista de los socios y de les sos señes de corréu electrónicu y teléfonu, siempre que se tuviera la so autorización espresa.
Capítulu IV
La Xunta Executiva
Artículu 15
- La Xunta Executiva rixe, alministra y representa al Movimientu 25 de Mayu. Componen esti muérganu les persones que ocupen la presidencia, la vicepresidencia, la secretaría, l’ayalguería y les vocalíes. Tolos cargos tienen que ser exercíos por persones diferentes.
- La Xunta Executiva tendrá 11 integrantes, que tienen que ser socios/es. Les persones escoyíes entren en funciones dempués d’aceutar el cargu.
- La Xunta escueyese por votación nel Conceyu Xeneral de la manera siguiente:
- 6 persones en candidatura zarrada con propuesta de Presidente/a, Vicepresidente/a, Ayalgueru/a, Secretariu/a y dos vocales. Siendo escoyida íntegramente la candidatura más votada.
- 5 persones en candidatures individuales siendo escoyidos los 5 más votados.
- El nomamientu y el cese de los cargos comunicaránse al Rexistru d’Asociaciones mediante un certificáu, emitíu pola secretaría saliente col vistu bonu de la presidencia saliente, incluyendo tamien l’aceutación de la presidencia y secretaría nueves.
- Los miembros de la Xunta Executiva exercen el cargu de baldre.
Artículu 16
- Les persones integrantes de la Xunta Executiva sonlo durante un periodu de tres años, renovables por un solu periodu consecutivu de otros tres años.
- El cese de los cargos enantes d’acabase el plazu reglamentariu del so mandatu pue dase por:
- Muerte o declaración d’ausencia,
- Incapacidá o inhabilitación.
- Renuncia notificada a la Xunta Executiva.
- Dixebra acordada pol Conceyu Xeneral.
- Cualesquier otra causa qu’establezan les lleis o los estatutos.
3.Les vacantes que se produzan ocúpense provisionalmente a propuesta de la mesma Xunta Executiva y tienen que ratificase na primera xuntanza del Conceyu Xeneral.
Artículu 17
La Xunta Executiva tien les facultaes que vienen darréu:
- Representar, dirixir y alministrar l’asociación del xeitu más ampliu que reconoza la llei; Asina mesmu, cumplir les decisiones tomaes pol Conceyu Xeneral, d’alcuerdu coles normes qu’esti Conceyu estableza.
- Tomar los alcuerdos que faiga falta en relación cola comparecencia énte los muerganos públicos y pa exercer tou tipu d’aiciones llegales p’algamar los fines del Movimientu 25 de Mayu.
- Proponer al Conceyu Xeneral un Plan Añal d’actividaes y un presupuestu pa faceles, que incluya les cuotes de los socios y simpatizantes. Asina como presentar el balance y l’estáu de cuentes de cada exerciciu al Conceyu Xeneral pa que los apruebe.
- Convocar los Conceyos Xenerales y curiar que se cumplan los alcuerdos que se tomen.
- Inspeicionar la contabilidá y ocupase por que los servicios funcionen con normalidá y controlar a trabayaores y proveedores que l’asociación pueda tener.
- Entamar comisiones xeográfiques o sectoriales pa conseguir los fines de l’asociación y autorizar los planes qu’estes comisiones proyeuten facer.
- Facer les xestiones énte los muerganos públicos, entidaes y otres persones, pa consiguir:
- Subvenciones y otres ayudes.
- L’usu de locales o edificios que puedan llegar ser un llugar de convivencia, comunicación y trabayu.
- Abrir cuentes corrientes en cualesquier bancu y disponer de los fondos.
- Resolver provisionalmente cualesquier casu que nun previeran los estatutos y dar cuenta d’ello nel primer Conceyu Xeneral.
Artículu 18
- La Xunta Executiva, convocada previamente pola presidencia o pola persona que la sustituya, tien que reunise en sesión ordinaria cola periodicidá que los sos miembros decidan, que en nengún casu pue ser inferior a una vegada cada dos meses.
- Tien que reunise en sesión estraordinaria cuando’l presidente la convoque con esti caráuter o bien si-y lo piden un terciu de los miembros de la Xunta.
- Les reuniones puen llevase a cabu por mediu de videoconferencia siempre que quede garantizada la identificación de los asistentes, la continuidá de la comunicación, la posibilidá d’intervenir na deliberación y la emisión del votu.
Artículu 19
- La Xunta Executiva queda constituyida válidamente si foi convocada con antelación y hai un cuórum de la metá más unu de les persones que la componen..
- Les persones integrantes de la Xunta Executiva tán obligaes a asistir a toles reuniones que se convoquen, anque, por causes xustificaes, puen escusase. L’asistencia de quienes ocupen la presidencia o la secretaría o de les persones que les sustituyan siempre ye necesaria.
- La Xunta Executiva toma los alcuerdos por mayoría simple de votos de les persones asistentes.
- Puen adoptase alcuerdos ensin reunión de manera esceicional —a instancia de la presidencia o de dos tercios de la Xunta Executiva— al traviés de la emisión del votu por comunicación telemática siempre que queden garantizaos los derechos d’información y de votu, que quede constancia de la receición del votu y que se garantice la so autenticidá.
Artículu 20
- La Xunta Executiva pue delegar dalguna de les sos facultaes nuna o varies comisiones o grupos de trabayu si cuenta, pa facelo, col votu favorable de los dos tercios de les persones que la integre.
- Tamién pue nomar, col mesmu cuórum, una comisión permanente o portavoces pa exercer la función que-yos confíe coles facultaes que crea oportunu conferi-yos en cada casu.
- Nun son delegables la formulación de les cuentes nin los actos que tengan que ser autorizaos o aprobáos pol Conceyu Xeneral.
Artículu 21
Los alcuerdos de la Xunta Executiva tienen que facese constar nel llibru d’actes y tienen que los firmar la secretaría y la presidencia. Al entamase cada reunión de la Xunta Direutiva, tien que lleese l’acta de la sesión anterior pa que s’apruebe o se rectifique, si ye procedente.
Capítulu V
La Presidencia y la Vicepresidencia
Artículu 22
- Les funciones de la Presidencia son:
- Dirixir y representar llegalmente al Movimientu 25 de Mayu por delegación del Conceyu Xeneral y de la Xunta Executiva.
- Presidir y dirixir los debates, tanto del Conceyu Xeneral como de la Xunta Executiva.
- Emitir un votu de calidá decisoriu nos casos d’empate.
- Establecer la convocatoria de les reuniones del Conceyu Xeneral y de la Xunta Executiva.
- Visar les actes y los certificaos confeccionaos pola secretaría de l’asociación.
- Les atribuciones restantes propies del cargu y les delegaes pol Conceyu Xeneral o la Xunta Executiva.
- A la persona que exerza la presidencia sustitúila, en casu d’ausencia o enfermedá, quien ocupe la vicepresidencia o el vocal de más edá de la Xunta, por esti orde.
Capítulu VI
La Ayalguería y la Secretaría
Artículu 23
L’ayalguería ocupase de la custodia y el control de los recursos de l’asociación, asina como la preparación del presupuestu, el balance y la liquidación de cuentes. Lleva un llibru de caxa. Firma los recibos de cuotes y otros documentos de tesorería. Paga les factures aprobáes pola Xunta Executiva, les cuales tien que ser visaes previamente pola presidencia, y encargase de la xestión de les cuentes bancaries de la asociación.
Artículu 24
La secretaría tien que custodiar la documentación de l’asociación, llevantar, redactar y firmar les actes de les reuniones del Conceyu Xeneral y la Xunta Executiva, redactar y autorizar los certificaos que haya que entregar, y tamién llevar el llibru rexistru de persones socies y la web del Movimientu 25 de Mayu.
Capítulu VII
Les Comisiones, los Conceyos y la Xunta Nacional
Artículu 25
Un grupu de socios y socies puede propone-y a la Xunta Executiva entamar una comisión sectorial o un conceyu del Movimientu 25 de Mayu.
La Xunta Executiva tien que aprobar la só constitución y ocupase de coordinar y facilitar el trabayu de conceyos y comisiones.
Los Conceyos y Comisiones escoyerán portavoz ente los sos miembros que será quien s’encargue de coordinase y dar cuenta de les actividaes a la Xunta Executiva.
Artículu 26
La Xunta Executiva puede convocar en reunión ampliada a quienes faen de portavoces nos Conceyos y nes Comisiones. Cuando la reunión se faiga d’esta manera llamarase Xunta Nacional y será un muerganu consultivu y non executivu.
Capítulu VIII
El Réxime Economicu
Artículu 27
Los recursos económicos de l’asociación vienen de:
- Les cuotes que pon el Conceyu Xeneral pa integrantes del movimientu.
- Les subvenciones oficiales o particulares.
- Les donaciones, les herencies o los llegaos.
- Les rentes del propiu patrimoniu o bien d’otros ingresos que puedan tenese.
Artículu 28
Toles persones integrantes de l’asociación tienen l’obligación de sofitar económicamente, al traviés de cuotes o derrames, de la forma y na proporción que apruebe el Conceyu Xeneral a propuesta de la Xunta Executiva.
Artículu 29
L’exerciciu económicu coincide col añu natural y queda zarráu’l 31 d’avientu.
Artículu 30
Nes cuentes corrientes abiertes en bancos, tienen que figurar les firmes de les persones qu’exerzan la presidencia, la secretaría y l’ayalguería. Siendo necesaries dos de les firmes pa disponer de los fondos.
Capítulu IX
El Réxime Disciplinariu
Artículu 31
La Xunta Executiva pue sancionar les faltes cometíes poles persones asociaes.
Estes faltes puen calificase de seles, graves y pergraves, y les sanciones correspondientes puen dir dende un avisu hasta la espulsión de l’asociación, según lo que estableza’l reglamentu internu.
El procedimientu sancionador entama d’oficiu o bien como consecuencia d’una denuncia. Nel plazu de 15 díes, la Xunta Executiva noma a un instructor, que tramita l’espédiente sancionador y propón la resolución nel plazu de 30 díes, previa audiencia del presuntu infractor. La resolución final tien que ser motivada y aprobada por dos tercios de la Xunta Executiva y tomase dientro de los dos meses siguientes al iniciu del procedimientu.
Nos casos de sanciones por faltes pergraves acordaes pola Xunta Executiva, les persones interesaes puen solicitar la ratificación de la sanción ante el primer Conceyu Xeneral que tenga llugar.
Capítulu X
La Disolución
Artículu 32
L’asociación pue disolverse si lo acuerda el Conceyu Xeneral, convocáu con caráuter estraordinariu espresamente pa esti fin, con una mayoría de tres quintos de les persones asociaes presentes y representaes.
L’asociación también puede disolvese por sentencia xudicial firme o poles causes determinaes nel articulu 39 del Codigu Civil.
Artículu 33
- De aprobase la liquidación, el Conceyu Xeneral escoyerá una comisión liquidadora pa tomar les midíes oportunas tanto col respeutu al destín de los bienes y derechos de l’asociación, como a la finalidá, la estinción y la liquidación de cualquier operación pendiente.
- El remanente netu que resulte de la liquidación entregarase a una entidá pública o privada asturiana que tea enfotada en fines asemeyaos a los del Movimientu 25 de mayu. El xustificante de la donación presentarase nel Rexistru d’Asociaciones pa inscribir la disolución.
Disposiciones Adicionales
Primera
Pa lo que nun te previsto nestos Estatutos aplicarase la Llei Orgánica 1/2002, de 22 de marzu y les sos disposiciones complementaries.
Segunda
La Xunta Executiva que se escueya nel Conceyu Xeneral Constituyente del Movimientu 25 de mayu será propuesta por consensu pola comisión xestora y tendrá un mandatu estraordinariu de solo un añu pa poder esparder l’asociación, escoyendose al añu siguiente una Xunta Executiva d’alcuerdu a lo dispuesto nel artículu 15.
Na Pola Siero, a 15 de marzu de 2024.
