Asturies ye ún de los países más vieyos d’Europa.
La nuestra ye una historia milenaria de resistencia dende los astures contra los romanos. Y ye tamién una historia d’autogobiernu, afitáu primero nel Reinu d’Asturies, dempués durante sieglos cola Xunta Xeneral del Principáu y la só declaración de soberanía; Siguió col protagonismu asturianu na ilustración y nel reformismu lliberal y federal del XIX y cola fuercia del movimientu obreru y democráticu na II república y contra la dictadura del XX.
Por ello, reclamamos una reforma del Estatutu d’Autonomía que reconoza qu’Asturies ye una nacionalidá histórica que merez les máximes competencies dientro de la Constitución española cola financiación acionada pa tomar equí les decisiones que garanticen el nuestru futuru.
El nuevu Estatutu tien que reconocer les llingües d’Asturies y los derechos de quienes les falen y tamién comprometese cola defensa del patrimoniu ya iguar el falseamientu interesáu de la nuestra historia.
Ye urxente entamar polítiques territoriales qu’ayuden al desarrollu los conceyos y que la xente tenga condiciones amañoses pa vivir nellos y entamar a resolver la regresión demográfica y el despoblamientu rural.
Esti sieglu vuelve ser un tiempu d’emigración pa miles d’asturianos y asturianes que pola situación económica nun atopen en casa les oportunidaes que-yos faen falta pa la vida que busquen. Cambiar les coses pa que nun emigren más y pueda volver quien tuvo que colar, tien que ser una prioridá.
Faimos falta una recuperación económica y pa ello defendemos enfotase n’apoyar el crecimientu de les empreses, la modernización de la nuestra industria y sofitar de verdá a pymes, autónomos, empreses d’economía social y a la cultura de la innovación, la productividá y l’emprendimientu pa facer d’Asturies un país vidable.
Asturies tien que tener una estratexa integral, tecnolóxica, enerxética y de les comunicaciones por tierra, mar , aire y ciberespaciu que refuerce la nuestra conexón cola economía global.
Tamién mos fai falta comunicanos bien dientro casa con alternatives de movilidá equilibraes y modernes, meyores trenes y un internet que llegue a toles esquines del país.
El turismu creciente hacia Asturies vien con oportunidaes y amenaces que tenemos que xestionar de manera sostenible pa que nun acabe siendo’l remate postreru que nos faltaba p’acabar con nosotros y col nuestru patrimoniu natural y cultural.
El sistema educativu y la Universidá d’Uviéu tienen que cambiar pa ponese al serviciu de la inserción llaboral y la investigación pa facemos competitivos nun mundu más complexu y cambiante.
Toa esta problemática ta inxertá nel creciente desapegu de la xente asturiano polo nuestro. Por eso ye fundamental recuperar l’arguyu por llograr una Asturies que sin ser más que naide, tampoco tien por qué ser menos que naide.
Por too ello, faise necesaria una unión de voluntaes que tenga como denominador común la recuperación de l’autoestima, la valoración de la cultura propia, la oficialidá del asturianu y l’eonaviegu, el cambiu fonderu del nuestru sistema productivu, el resguardu de lo público, la defensa de los derechos humanos, la modernización de les infraestructures y la solidaridá interxeneracional frente al cambiu climáticu y tecnolóxicu.
En definitiva, una unidá al rodiu d’aquella idea de los nuestros ilustraos: algamar la felicidá, que pa Xovellanos nun yera otra cosa qu’indagar na verdá y prauticar la virtú, adautándolos a anguaño.
Asturies tien futuru porque tenemos un gran pasáu y porque resistimos y aporfiamos. Somos autores y heriedes d’una llarga historia y d’una vieya cultura, propia y única, al tiempu qu’abierta al mundu y naguamos por otra clas política que tenga Asturies nel centru.
El Movimientu 25 de Mayu, n’alcordanza a los patriotes asturianos qu’en 1808 enfrentaron al mayor Imperiu del so tiempu proponse axuntar a los asturianos y asturianes que quieran trabayar pa cambiar les coses y cambiales de verdá.
Como dixera yá en 1979 otra xente enfotada nel país, nun pretendemos ser neutrales porque dende Asturies nun ye posible; vivimos esta realidá y guíanos el contribuyir a despertar y facer tomar forma política a la conciencia de sigo d’un pueblu marxináu que ye’l nuestru.
¡Puxa Asturies!
Asturias é ún dos países máis veyos d’Europa.
A nosa é úa historia milenaria de resistencia dende os astures contra os romanos. Y é tamén úa historia d’autogoberno, asegurao primeiro nel Reino d’Asturias, despós durante siglos cua Xunta Xeneral del Principao y a súa declaración de soberanía; siguíu col protagonismo asturiano na Ilustración y nel reformismo lliberal y federal del XIX y cua forza del movemento obreiro y democrático na II República y contra a dictadura del XX.
Por ello, reclamamos úa reforma del Estatuto d’Autonomía que reconoza qu’Asturias é úa nacionalidá histórica que merece as máximas competencias dentro da Constitución española cua financiación accionada pra tomar eiquí as decisióis que garanticen el noso futuro.
El novo Estatuto ten que reconocer as llinguas d’Asturias y os deretos de quenes as falan y tamén comprometerse cua defensa del patrimonio y amañar el falsiamento interesao da nosa historia.
É urxente empezar políticas territoriales qu’axuden al desarrollo dos conceyos y qu’a xente teña condicióis adecuadas pra vivir nellos y empezar a resolver a regresión demográfica y el despoblamento rural.
Este siglo volve ser un tempo d’emigración pra miles d’asturianos y asturianas que polla situación económica nun atopan en casa as oportunidades que yes fain falta prá vida que buscan. Cambiar as cousas pra que nun emigren máis y poda volver quen tuvo que marchar ten que ser úa prioridá.
Fainos falta úa recuperación económica y pra ello defendemos esforzarse en apoyar a medría das empresas, a modernización da nosa industria y asegurar de verdá a PYMES, autónomos, empresas d’economía social y á cultura da innovación, a productividá y el emprendemento pra fer d’Asturias un país viable.
Asturias ten que ter úa estratexa integral, tecnolóxica, enerxética y das comunicacióis por terra, mar, aire y ciberespacio que reforce a nosa conexión cua economía global.
Tamén nos fai falta comunicarnos ben dentro de casa con alternativas de movilidá equilibradas y modernas, miyores trenes y un internet que chegue a todas as esquinas del país.
El turismo crecente hacia Asturias vén con oportunidades y amenazas que temos que xestionar de xeito sostible pra que nun acabe sendo el remate último que nos faltaba pr’acabar con nosoutros y col noso patrimonio natural y cultural.
El sistema educativo y a Universidá d’Uviéu tein que cambiar pra poñerse al servicio da inserción llaboral y a investigación pra fernos competitivos nun mundo máis complexo y cambiante.
Toda esta problemática ta inxertada nel crecente desapego da xente asturiana pollo noso. Por eso é fundamental recuperar el orguyo por llograr úa Asturias que sin ser máis que naide, tampouco ten por qué ser menos que naide.
Por todo ello, faise necesaria úa xunta de voluntades que teña como denominador común a recuperación da autoestima, a valoración da cultura propia, a oficialidá del asturiano y el eonaviego, el cambeo fondo del noso sistema productivo, el resguardo de lo público, a defensa dos deretos humanos, a modernización das infraestructuras y a solidaridá interxeneracional frente al cambeo climático y tecnolóxico.
En definitiva, úa unidá alredor d’aquella idea dos nosos ilustraos: chegar á felicidá, que pra Xovellanos nun era outra cousa qu’esculcar na verdá y practicar a virtú, adaptándolos a actualidá.
Asturias ten futuro porque temos un gran pasao y porque resistimos y porfiamos. Somos autores y heredeiros d’úa llarga historia y d’úa veya cultura, propia y única, al tempo qu’aberta al mundo y devecemos por outra clas política que teña Asturias nel centro.
El Movemento 25 de Mayo, en recordo a os patriotas asturianos qu’en 1808 s’enfrentaron al mayor Imperio del sou tempo, propónse axuntar a os asturianos y asturianas que queran trabayar pra cambiar as cousas y cambiallas de verdá.
Como dixera xa en 1979 outra xente esfoutada nel país, nun pretendemos ser neutrales porque dende Asturias nun é posible; vivimos esta realidá y guíanos el contribuir a despertar y fer tomar xeito político á conciencia de sí, d’un poblo marxinao qu’é el noso.
¡Puxa Asturias!
© 2025 25demayu • Tolos derechos acutaos